Жалал-Абад облусунун Таш-Көмүр мэриясынын жооптуу кызмат адамдары бала бакчага таандык 1 717 чарчы метр жер тилкесин мыйзамсыз жеке менчикке берип жиберишкен. Бул тууралуу Башкы прокуратурадан билдиришти. Таш-Көмүр прокуратурасы шаардагы "Мишутка" балдар бакчасына таандык 3 миллион 500 миң сомду түзгөн 1 717 чарчы метр жер тилкесин мыйзамсыз жеке менчикке берип жиберишкендиги аныктаган. Аталган факты боюнча кылмыш иши козголуп, тергөө иштери башталган. Учурда бала бакчанын жер тилкесин кайтаруу боюнча тиешелүү чаралар көрүлүүдө.