Папан суу сактагычынын ылайланышына байланыштуу Оштун айрым аймактарында ичүүчү суу убактылуу токтотулду
Ош шаарына үзгүлтүксүз таза суу берүү максатында курулган резервуарлар иштеп жатат. Бирок андагы суунун запасы 2 күнгө гана жетет.
Суунун үзгүлтүккө учуроосуна Папан суу сактагычынын булганышы себеп болууда. Анткени кампаларга ушул жактан гана суу келет. Анын булгануусуна тынымсыз жааган жаандан улам кокту-колоттордон, шагыл-кум алынуучу карьерлерден аккан ылайка суу себеп болуп жатат. Анын кесепетинен Ак-Буура дарыясы да булганууда. Бардык тиешелүү кызматтар шаардыктарга суу берүү үчүн күчөтүлгөн тартипте иш алып барууда. Жарандарды абалды туура түшүнүүгө чакырабыз.
